0
18.07.2025წ.
ონის მუნიციპალიტეტის მერი სერგი ხიდეშელი იაპონიის საგანგებო და სრულუფლებიან ელჩს საქართველოში იშიძუკა ჰიდეკს შეხვდა.
შეხვედრაზე საუბარი საქართველოსა და იაპონიას შორის არსებულ ურთიერთობებს და თანამშრომლობის სამომავლო გეგმებს შეეხო. განიხილეს ონის მუნიციპალიტეტში იაპონიის მხარდაჭერით განხორციელებული პროექტები. ყურადღება გამახვილდა რაჭაში არსებულ ტურისტულ პოტენციალზე და ბიზნესგარემოზე.
ონის მერიაში გამართულ შეხვედრას რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ონის მუნიციპალიტეტის საკრებულოს თავმჯდომარე ბაჩანა მარკოიშვილი, რაჭა-ლეჩხუმ სვანეთის დელეგატის წარმომადგენელი ონში ირმა ჩიხრაძე და GGP პროგრამის საგრანტო კონსულტანტი ნანაკო შიგემოტო ესწრებოდნენ.