06.04.2026წ.
6 აპრილს, სპორტის საერთაშორისო დღესთან დაკავშირებით, ონის მუნიციპალიტეტში სხვადასხვა სპორტული აქტივობები ჩატარდა.
ონის მუნიციპალიტეტის ბავშვთა და მოზარდთა სასპორტო სკოლის კომპლექსმა უმასპინძლა რაჭა-ლეჩხუმისა და ქვემო სვანეთის რეგიონულ სკოლათაშორის ღონისძიებას — „მხიარული სტარტები“. პროგრამა მოიცავდა სხვადასხვა სახის აქტივობას, რომლებშიც რეგიონის საჯარო სკოლების მოსწავლეები იყვნენ ჩართულები.
პარალელურად, ონის საჭიდაო სკოლაში თავისუფალი სტილით ჭიდაობაში რეგიონული ტურნირი გაიმართა. აღნიშნული სპორტული ღონისძიება დამსახურებული მწვრთნელების — როლანდ გოგრიჭიანისა და მიხეილ (მიშკიტა) მაისურაძის ხსოვნას მიეძღვნა.
ღონისძიებებს ადგილობრივი თვითმმართველობის წარმომადგენლები და მოწვეული სტუმრები ესწრებოდნენ. სპორტული აქტივობების მიზანია მოზარდებში ჯანსაღი ცხოვრების წესის პოპულარიზაცია.