14.09.2026წ.
ონის მუნიციპალიტეტის მერის მოადგილე ირმა ჩიხრაძე მუნიციპალიტეტის მიერ დაფუძნებული ააიპ ორგანიზაციების ხელმძღვანელ პირებს შეხვდა.
სამუშაო შეხვედრაზე ორგანიზაციების ხელმძღვანელებმა მერის მოადგილეს მიმდინარე საქმიანობის, არსებული გამოწვევებისა და პრობლემური საკითხების შესახებ ინფორმაცია მიაწოდეს. ასევე განიხილეს ახალი სასწავლო წლის დაწყებისთვის მზადების საკითხები, უახლოეს პერიოდში დაგეგმილი ღონისძიებები და მათი ორგანიზების საკითხები.
შეხვედრაზე ყურადღება გამახვილდა ორგანიზაციების გამართულ და ეფექტიან საქმიანობაზე, ახალი სასწავლო წლის შეუფერხებლად დაწყებისთვის სათანადო მზადყოფნის უზრუნველყოფაზე, არსებული გამოწვევების დროულად გადაჭრისა და შესაბამის სამსახურებს შორის კოორდინირებული მუშაობის მნიშვნელობაზე.