ონის მუნიციპალიტეტის მერის პირველმა მოადგილემ – გიორგი ნოდარიშვილმა, არასამთავრობო ორგანიზაცია სამართლებრივი დახმარების ცენტრის „უფლებები საქართველოს“ წარმომადგენელთან – ანა ჯელაძესთან, სამუშაო შეხვედრა გამართა.

შეხვედრაზე არასამთავრობო ორგანიზაციის წარმომადგენელმა, გენდერული და ოჯახში ძალადობის მსხვერპლთა მხადაჭერაზე ისაუბრა და აღნიშნა, რომ სამართლებრივი დახმარების ცენტრი, რაჭა-ლეჩხუმ ქვემო სვანეთის მოსახლეობას უფასოდ გაუწევს მომსახურებას.

პროექტის მიზანს წარმოადგენს გენდერული და ოჯახში ძალადობის პრევენცია და მსხვერპლთა მხარდაჭერა.

პროექტის ფარგლებში, ქალებს გაეწევათ უფასო სამართლებრივი კონსულტაციები, მოხდება ქალთა ფსიქო-სოციალური და ეკონომიკური მხარდაჭერა და გაძლიერება, წარიმართება მუშაობა საკანონმდებლო, პოლიტიკურ, პროგრამულ და საბიუჯეტო მექანიზმების გაუმჯობესებაზე, ჩატარდება კვლევები მოსახლეობის საჭიროებებსა და დამოკიდებულებებზე გენდერული თანასწორობისა და უსაფრთხოების საკითხების შესახებ.

შეხვედრას ესწრებოდნენ რაჭა-ლეჩხუმ სვანეთის დეპუტატის გოჩა ენუქიძის ბიუროს წარმომადგენელი ონში – ირმა ჩიხრაძე და ადმინისტრაციულ ერთეულებში მერის წარმომადგენლები,

მერის პირველმა მოადგილემ – გიორგი ნოდარიშვილმა, სამართლებრივი დახმარების ცენტრის წარმომადგენელს ანა ჯელაძეს მადლობა გადაუხადა და აღნიშნა, რომ ცნობიერების ამაღლების მიზნით, მნიშვნელოვანია მსგავსი შეხვედრების ჩატარება და წარმომადგენლებს დაავალა ადმინისტრაციულ ერთეულებში აღნიშნული ინფორმაციის გავრცელების უზრუნველყოფა.