11.04.2022წ.
11 მაისს ონის მუნიციპალიტეტის მერიაში სამუშაო შეხვედრა გაიმართა მერის წარმომადგენლებთან.
მერის პირველმა მოადგილემ – გიორგი ნოდარიშვილმა წარმომადგენლებისგან მიიღო ინფორმაცია ადმინისტრაციულ ერთეულებში არსებულ საჭიროებებთან დაკავშირებით და სოფლის მხარდაჭერის პროგრამის ფარგლებში განსახორციელებელი პროექტების სამუშაოების შესახებ. წარმომადგენლებმა შეხვედრაზე, სოფლებში არსებულ ვითარებასა და პრობლემურ საკითხებზე ისაუბრეს.
სამუშაო შეხვედრას, სოფლის განვითარების სააგენტოს ონის საინფორმაციო-საკონსულტაციო სამსახურის თანამშრომლებიც ესწრებოდნენ, რომლებმაც მერის წარმომადგენლებს გააცნეს სასოფლო-სამეურნეო დანიშნულების მიწის ნაკვეთების მესაკუთრეთა ხელშეწყობის სახელმწიფო პროგრამა. აღნიშნული პროგრამა სამეცნიერო კვლევითი ცენტრის მიერ გამოყვანილ ელიტარული კარტოფილის ჯიშის (მესხური წითელი და ცქრიალა) ჩითილების ონის მუნიციპალიტეტისთვის გადმოცემას გულისხმობს, ელიტარული ჯიშის სათესლე მასალა მეკარტოფილე ფერმერებზე განაწილდება.