15.02.2022წ.
დღეს, ონის მუნიციპალიტეტის მერიის მონიტორინგის ჯგუფმა სამხარეო ადმინისტრაციის წარმომადგენლებთან ერთად ადგილზე დაათვალიერა ონის საბავშვო ბაღის სარეაბილიტაციო სამუშაოები.
პროექტის ფარგლებში ბაღის შენობას ჩაუტარდა კაპიტალური რემონტი, შეიცვალა სასმელი წყლისა და ელექტროგაყვანილობის სისტემები, გამოიცვალა კარ-ფანჯარა, დამონტაჟდა ცენტრალური გათბობის სისტემა და მოწესრიგდა შიდა და გარე ფასადი. ბაგა-ბაღის ეზოში ასევე მოეწყო ბავშვთა გასართობი სივრცე.
ბაგა-ბაღში სარეაბილიტაციო-სარეკონსტრუქციო სამუშაოებს აწარმოებდა ამხანაგობა “დელტამშენი”. ხელშეკრულების ღირებულებამ 699 900 ლარი შეადგინა (95% – სახელმწიფო და 5% ადგილობრივი ბიუჯეტიდან).
მონიტორინგის შედეგად გამოიკვეთა რიგი დარღვევები, მეწარმეს მიეცა გონივრული ვადა (არა უმეტეს 10 დღისა) ხარვეზების გამოსასწორებლად, წინააღმდეგ შემთხვევაში გატარდება კანონით დადგენილი მკაცრი პროცედურები.