20-21 ოქტომბერს სოფ. ბოშურში, გორის მუნიციპალიტეტში, ჩატარდა „თვითმმართველობის აკადემიის: ლიდერობა და მენეჯმენტი ქართულ ადგილობრივ თვითმმართველობებში“ მეორე სატრენინგო სესია ცვლილებების მენეჯმენტთან დაკავშირებით.

 აკადემიის მეორე სესიას ესწრებოდნენ პოლონელი პარტნიორები. ტრენინგი ჩაატარა მალგოჟატა პელჩარმა, ქართველი ექსპერტების – მაკა პეტრიაშვილისა და ეკატერინე გოგელაშვილის დახმარებით.

ტრენინგს დაესწრნენ მონაწილე მუნიციპალიტეტების : ონის, ამბროლაურის, დუშეთის და ბოლნისის ხელმძღვანელი პირები.

აღნიშნული პროგრამა ხორციელდება საჯარო სამსახურის ბიუროსთან, საქართველოს ადგილობრივი თვითმმართველი ერთეულების ფინანსისტთა ასოციაციასა (სათეფა) და მიროშევსკის ცენტრთან თანამშრომლობით. სასწავლო გეგმა კი შემუშავებულია პოლონეთის ლეხ კაჩინსკის საჯარო ადმინისტრირების სკოლის (KSAP) მიერ.