მიმდინარე წლის 4 ივლისს, ონის მუნიციპალიტეტის მერი – ემზარ საბანაძე და პირველი მოადგილე მერაბ ორდინიძე სოფელ გლოლის წყალმომარაგების პრობლემებთან დაკავშირებით სოფლის მოსახლეობას შეხვდნენ. მერმა ადგილობრივებთან ერთად მოინახულა სოფ. გლოლის სასმელი წყლის სათავე ნაგებობა, გაეცნო არსებულ პრობლემებს და განაცხადა, რომ სასმელ წყალთან დაკავშირებული ხარვეზების აღმოსაფხვრელად შესაბამის სამსახურებს მიეცემათ ორი კვირის ვადა.