11.10.2025წ
ონჭევში გზის მოწყობის სამუშაოები აქტიურად მიმდინარეობს!ონის მუნიციპალიტეტის საკრებულოს თავმჯდომარე ბაჩანა მარკოიშვილი და მუნიციპალიტეტის მერი დავით ლობჟანიძე ინფრასტრუქტურული პროექტების მონიტორინგის ფარგლებში სოფელ ონჭევში იმყოფებოდნენ, სადაც გზის ახალი საფარის დაგების პროცესს ადგილზე გაეცნენ.
პროექტი მოიცავს ორ კილომეტრამდე სიგრძის საავტომობილო გზის მოწყობას, რომლის ჯამური ღირებულება შეადგენს დაახლოებით ნახევარ მილიონ ლარს.
ადგილზე ვიზიტისას მუნიციპალიტეტის ხელმძღვანელებმა კონტრაქტორი კომპანიის წარმომადგენლებისგან მიიღეს ინფორმაცია სამუშაოების მიმდინარეობის, ხარისხის კონტროლისა და დასრულების ვადების შესახებ.