04.08.2020წ.
ონის მუნიციპალიტეტში, სტიქიის შედეგად დაზარალებული ადგილობრივი მცხოვრებლების დატბორილი სახლებისა და საკარმიდამო ნაკვეთების წმენდა მიმდინარეობს.
3 და 4 აგვისტოს , სოფლებში ნაკიეთსა და ლაგვანთაში , მოსახლეობის დასახმარებლად მობილიზებული იყო ადგილობრივი მუნიციპალიტეტის 30 კაციანი ჯგუფი. ქალაქ ონში, აღმაშენებლის ქუჩაზე, წმენდით სამუშაოებში ასევე აქტიურად მონაწილეობენ წითელი ჯვრის მოხალისეთა ჯგუფები.
სტიქიის შედეგად დაზარალებულ სოფლებში დატბორილი სახლების წმენდის სამუშაოები ხვალაც გაგრძელდება.