19.06.2023წ.
ონის მუნიციპალიტეტში სოფელ ზუდალი-სევის გზის მონაკვეთის ასფალტ-ბეტონის საფარით მოწყობის სამუშაოები აქტიურ რეჟიმში მიმდინარეობს.
საგზაო ინფრასტრუქტურის (მე-2 ეტაპის) სამუშაოები ონის მუნიციპალიტეტის მერის მოადგილემ – ლევან შერაზადიშვილმა და საკრებულოს თავმჯდომარემ – ბაჩანა მარკოიშვილმა ადგილზე მოინახულეს.
მიმდინარე სამუშაო პროცესიდან გამომდინარე დროებით შეიზღუდება ზუდალი-სევის მიმართულებით, ავტოსატრანსპორტო საშუალებით გადაადგილება, ხოლო მოსახლეობას შეუძლია ისარგებლოს ოდელიას ხიდის გავლით – ქვემო სევისა და ფარახეთის ალტერნატიული გზით.
აღნიშნული მიმართულებით შეზღუდვა გაგრძელდება, 17 ივნისიდან 19 ივნისის ჩათვლით.
პროექტით გათვალისწინებული სამუშაოების დასრულება მიმდინარე წლის ოქტომბრის თვეში იგეგმება.