07.09.2023წ.
ონის მუნიციპალიტეტში ინფრასტრუქტურული პროექტების მონიტორინგი მიმდინარეობს.
7 სექტემბერს, ონის მუნიციპალიტეტის მერი – სერგი ხიდეშელი მოადგილეებთან ერთად, სოფელ სამთისში იმყოფებოდა, სადაც სასმელი წყლის სისტემის მოწყობა – რეაბილიტაციის პროექტით გათვალისწინებული სამუშაოები დასრულების ეტაპზეა.
პროექტით გათვალისწინებულია სასმელი წყლის სისტემის ცენტრალური მილის შეცვლა და სათავე ნაგებობის რეაბილიტაცია.
სამუშაოებს შპს „უნიმშენი“ ახორციელებს. სატენდერო ღირებულება 165000 ლარს შეადგენს და ფინანსდება 100% ადგილობრივი ბიუჯეტიდან.
ინფრასტრუქტურული პროექტების მონიტორინგის პარალელურად, ადგილობრივი ხელისუფლების წარმომადგენლები სოფელ სამთისში მოსახლეობას შეხვდნენ, რა დროსაც ისაუბრეს აღნიშნულ სოფელში მცხოვრები მოსახლეობისთვის არსებულ საჭიროებებზე.