28.02.2025წ.
ონის მუნიციპალიტეტში დიდთოვლობის და რთული მეტეოროლოგიური პირობების გამო შექმნილი პრობლემების აღმოსაფხვრელად ყველა საჭირო ღონისძიება ტარდება.
ამ დროისთვის გაწმენდილია მუნიციპალიტეტის საავტომობილო და შიდა საუბნო გზები, მიმდინარე სამუშაოები გრძელდება ბარი-მრავალძალის, შქმერის და გომის მიმართულებით.
გადაადგილებასთან დაკავშირებული პრობლემების თავიდან აცილების მიზნით, თოვლწმენდის სამუშაოები გაგრძელდება ყველა ადმინისტრაციული ერთეულის ცენტრალურ გზებსა და პრობლემურ მონაკვეთებზე.