ონის მუნიციპალიტეტის საკრებულოს თავმჯდომარემ ბაჩანა მარკოიშვილმა, საინფორმაციო-საკონსულტაციო შეხვედრაში მიიღო მონაწილეობა, რომელიც გაიმართა მუნიციპალიტეტების საკრებულოს თავმჯდომარეების მონაწილეობით.

შეხვედრა პროექტის „საკრებულოს ეფექტიანობის ამაღლება რეგლამენტის სამართლებრივი და შინაარსობრივი მოდერნიზაციის გზით“ -ფარგლებში ჩატარდა. პროექტის მხარდამჭერები არიან ა(ა)იპ „თანამონაწილეობისა და ჩართულობის ცენტრი -სიპისი“ (CPC), სსიპ სახელმწიფო გრანტის მართვის სააგენტო, ხოლო პარტნიორია საქართველოს ადგილობრივ თვითმმართველობათა ეროვნული ასოციაცია (NALAG).

პროექტი მიზნად ისახავს მუნიციპალიტეტების საკრებულოების ინსტიტუციურ გაძლიერებას, მათი საქმიანობის ეფექტიანობის ზრდასა და გადაწყვეტილების მიღების პროცესის გაუმჯობესების ხელშეწყობას.