18.07.2026წ.
ონის მუნიციპალიტეტის მერიის მხარდაჭერით და საფეხბურთო კლუბი “მამისონის” ორგანიზებით, 17- 18 ივლისს ქალაქ ონში, ბეერშევას სახელობის პარკში მდებარე ხელოვნურსაფარიან მოედანზე გაიმართა გიორგი კირვალიძის (ბოკვერა) სახელობის ტურნირი მინი ფეხბურთში, რომელშიც მონაწილეობდა 6 გუნდი : ღარი, მოედანი, ნაკიეთი, ამბროლაური, დიღომი და მოჭიდავეები.
ბოკვერას სახელობის ტურნირს ესწრებოდა რაჭა-ლეჩხუმ-სვანეთის დელეგატის გოჩა ენუქიძის ბიუროს წარმომადგენელი ონში- ელენე მაისურაძე.
ფინალში პირველი ადგილი მოიპოვა სოფელ ღარის გუნდმა, ხოლო მეორე ადგილს ამბროლაურის გუნდი დაეუფლა .
გამარჯვებული ღარის გუნდი თასით დაჯილდოვდა, ხოლო ტურნირის მონაწილეები სხვადასხვა ნომინაციაში ფასიანი საჩუქრებით დაჯილდოვდნენ.
საუკეთესო მეკარედ დასახელდა-დავით ბერელიძე;
საუკეთესო მცველის ტიტული ერგო -ონისე მეტონიძეს;
საუკეთესო ნახევარმცველი- ლუკა ტყეშელაშვილი;
საუკეთესო თავდამსხმელი – გეგა ჯოხაძე;
საუკეთესო ტექნიკური მოთამაშე – ალექსანდრე თავშავაძე.
საუკეთესო ფეხბურთელი – გუგა მაქარაშვილი
მაყურებლის სიმპატია – გიგა ლობჟანიძე.
საუკეთესო მწვრთნელი – ვიტალი მეტრეველი
ბოკვერას სახელობის ტურნირი ონის მუნიციპალიტეტში ყოველწლიურად ტარდება და ეძღვნება ახალგაზრდა სპორტსმენის გიორგი კირვალიძის ხსოვნას.