27.05.2025წ
ონის მუნიციპალიტეტის მერი სერგი ხიდეშელი ქალაქ ონში აგრარული ბაზრის სამშენებლო სამუშაოების მიმდინარეობას გაეცნო.
პროექტი გულისხმობს ქალაქის ცენტრში არსებული აგრარული ბაზრის ორსართულიანი შენობის კეთილმოწყობას ყველა საჭირო კომუნიკაციით, ღია და დახურული სავაჭრო ფართებით, ადმინისტრაციული და დამხმარე შენობებით, სამაცივრე და სასაწყობე ოთახების, ლიფტების (შშმ პირთა და სატვირთო) გათვალისწინებით, ეზოს კეთილმოწყობას ბეტონის ბილიკებით და შენობის აღჭურვას დახლებით.
დასრულებული შენობა შესაბამისობაში იქნება თანამედროვე სტანდარტების მოთხოვნებთან და სრულად დააკმაყოფილებს ადგილობრივი მოსახლეობის მოთხოვნებს.
სამუშაოების ღირებულება 3 201 000 ლარს შეადგენს და ის რეგიონებში განსახორციელებელი პროექტების ფონდის და ადგილობრივი ბიუჯეტის თანადაფინანსებით ხორციელდება.
პროექტით გათვალისწინებული სამუშაოების დასრულება 2025 წლის ივლისში იგეგმება