04.11.2022წ.
ონის მუნიციპალიტეტის მერმა – სერგი ხიდეშელმა, პირველ მოადგილე – გიორგი ნოდარიშვილთან და მოადგილე – ლევან შერაზადიშვილთან ერთად, გეგმიური სამუშაო შეხვედრა გამართა ონის მუნიციპალიტეტში ინფრასტრუქტურულ ობიექტებზე მიმდინარე სამუშაოების შემსრულებელი კომპანიების ხელმძღვანელებთან.
შეხვედრაზე განხილული იქნა ონის მუნიციპალიტეტში ინფრასტრუქტურულ ობიექტებზე მიმდინარე სამუშაოების მდგომარეობის საკითხი, კერძოდ, საავტომობილო გზებისა და სასმელი წყლის სისტემის რეაბილიტაციის, სანიაღვრე არხების, საყრდენი კედლების მოწყობისა და სხვა მნიშვნელოვანი პროექტები. ასევე, საუბარი შეეხო აღნიშნული სამუშაოების შესრულების ხარისხს, დასრულების ვადებსა და სხვა მნიშვნელოვან საკითხებს.
მეწარმეებს პროექტების შეუფერხებლად განხორციელებისთვის შესაბამისი რეკომენდაციები მიეცათ.