27.10.2022წ.
ონის მუნიციპალიტეტის მერიის ხელშეწყობით, 26 ოქტომბერს შოთა ბუგიანიშვილის სახელობის რეგიონალური ჯანდაცვის ცენტრის შენობაში თვალის მიკროქირურგიის ჯავრიშვილის კლინიკის “ოფთალმიჯის“ მაღალკავალიფციურმა ექიმმა სოფიო იმედაშვილმა სპეციალისტთა ჯგუფთან ერთად, უფასო სამედიცინო მომსახურება გაუწია ონია მუნიციპალიტეტის მაცხოვრებლებს.
უფასო აქციის ფარგლებში, კონსულტაცია ეტაპობრივად ჩაუტარდა სხვადასხვა ასაკობრივ კატეგორიას. სულ ჯამში 50-ზე მეტმა პაციენტმა მიიღო მაღალკვალიფიციური ექიმის კონსულტაცია, რომელთა შორის, თოთხმეტ პაციენტს დაუდგინდა ოპერაციული მკურნალობის დიაგნოზი.
შეგახსენებთ, რომ ოპერაციული მკურნალობა საყოველთაო ჯანდაცვის სახელმწიფო პროგრამის ფარგლებში ხორციელდება.
მუნიციპალიტეტის მერმა – სერგი ხიდეშელმა აქციის ორგანიზატორებს მადლობა გადაუხადა გამოჩენილი ყურადღებისთვის და აღნიშნა, რომ დაავადების პრევენციის მიზნით, მნიშვნელოვანია დროული და ხელმისაწვდომი დიაგნოსტიკა.