ონის მუნიციპალიტეტის მერმა ემზარ საბანაძემ მორიგი სამუშაო შეხვედრა გამართა მერის წარმოამდგენლებთან და საკრებულოს დეპუტატებთან

შეხვედრაზე მერმა წარმომადგენლებისგან მოისმინა ანგარიში, აღდგომის დღესასწაულთან დაკავშირებით მუნიციპალიტეტის მხრიდან გაწეული სამუშაოების შესახებ

მიმდინარე წლის 1 მაისს,ონის მუნიციპალიტეტის მერმა ემზარ საბანაძემ მორიგი სამუშაო შეხვედრა გამართა მერის წარმოამდგენლებთან და საკრებულოს დეპუტატებთან.
შეხვედრას ესწრებოდა ონის მუნიციპალიტეტის საკრებულოს თავმჯდომარე შუქურა ჯაფარიძე.
შეხვედრაზე მერმა წარმომადგენლებისგან მოისმინა ანგარიში, აღდგომის დღესასწაულთან დაკავშირებით მუნიციპალიტეტის მხრიდან გაწეული სამუშაოების შესახებ.
მერის განცხადებით, წარმომადგენლებისა და საკრებულოს დეპუტატების კოორდინირებული მუშაობით სამომავლოდ ის მცირედი ხარვეზებიც უნდა აღმოიფხვრას რაც მიმდინარე წელს დღესასწაულისთვის მზადების დროს დაფიქსირდა.
შეხვედრაზე ყურადღება გამახვილდა სოფლის მხარდაჭერის პროგრამის ფარგლებში და ადგილობრივ ბიუჯეტში გათვალისწინებული ინფრასტრუქტურული პროექტების მიმდინარეობაზე.
მნიშვნელოვანი დრო დაეთმო ადმინისტრაციულ ერთეულებში წყალმომარაგების პრობლემებს.
ემზარ საბანაძის განცხადებით ადმინისტრაციულ ერთეულებში მიმდინარე და დაგეგმილი ინფრასტრუქტურული პროექტების განხორციელებას და ასევე პრობლემური საკითხების გადაჭრის პროცესს მერიის შესაბამის სამსახურებთან ერთად პირადად გააკონტროლებს.