დღეს 66 წელი შეუსრულდებოდა ონის მუნიციპალიტეტის საკრებულოს წევრს, ვასო მეტრეველს.

პატივისცემითა და მადლიერებით ვიხსენებთ მის ნათელ ხსოვნას, მის ღირსეულ ცხოვრებასა და იმ მნიშვნელოვან წვლილს, რომელიც მან ონის მუნიციპალიტეტისა და ადგილობრივი თვითმმართველობის განვითარების საქმეში შეიტანა.

ვასო მეტრეველი გამოირჩეოდა მაღალი მოქალაქეობრივი პასუხისმგებლობით, კეთილსინდისიერებითა და საკუთარი საქმისადმი ერთგულებით. მისი საქმიანობა ყოველთვის მიმართული იყო საზოგადოების ინტერესების დაცვისა და მუნიციპალიტეტის წინსვლისკენ. კოლეგებსა და თანამოქალაქეებს დღემდე ახსოვთ მისი ადამიანურობა, გულისხმიერება და კეთილგანწყობა.

მისი პროფესიული საქმიანობა და ადამიანური ღირებულებები ღირსეულ კვალად დარჩა მუნიციპალიტეტის ისტორიაში და კვლავაც ინარჩუნებს განსაკუთრებულ ადგილს იმ ადამიანების მეხსიერებაში, ვისაც მასთან ურთიერთობისა და თანამშრომლობის პატივი ხვდა წილად.

ონის მუნიციპალიტეტის საკრებულო პატივს მიაგებს ვასო მეტრეველის ხსოვნას და კიდევ ერთხელ გამოხატავს მადლიერებას მისი ღვაწლის მიმართ.