ონის მუნიციპალიტეტში, პროექტის „ონის მუნიციპალიტეტის ეკონომიკური განვითარება ბიზნეს კლასტერების შექმნის და ინვესტიციების მოზიდვის გზით“ ფარგლებში, PMC კვლევითმა ცენტრმა ჩაატარა ტრეინინგი პირდაპირი უცხოური ინვესტიციების მოზიდვის საკითხებზე

ტრენინგზე განიხილეს შემდეგი საკითხები:

პირდაპირი უცხოური ინვესტიციები და მათი განმაპირობებელი ფაქტორები;

საინვესტიციო იმიჯის შექმნა რეგიონულ და ადგილობრივ დონეზე;

საქართველოს საინვესტიციო პოლიტიკა;

პოტენციური ინვესტორი კომპანიების ვიზიტების ორგანიზება;

საინვესტიციო ვებ-გვერდი;

ინვესტირების შემდგომი მომსახურება;

ბიზნეს კავშირები უცხოელ ინვესტორებსა და ადგილობრივ მცირე და საშუალო საწარმოებს შორის;

მუნიციპალური საინვესტიციო სტრატეგიის მნიშვნელოვანი ელემენტები.

სწავლების პროცესში მონაწილეობა მიიღეს რაჭა-ლეჩხუმის და ქვემო სვანეთის რეგიონში სახელმწიფო რწმუნებულის ადმინისტრაციის, ონის მუნიციპალიტეტის მერიის, საკრებულოს თანამშრომლებმა, რომლებმაც მიღებული ინფორმაციის საფუძველზე, შეასრულეს პოტენციური ინვესტორების ვიზიტების ორგანიზებასთან, საინვესტიციო ვებ-გვერდის სტრუქტურის შემუშავებასთან, ბიზნეს კავშირების წახალისებასთან და მუნიციპალურ საინვესტიციო სტრატეგიის შემუშავებასთან დაკავშირებული პრაქტიკული დავალებები.