19
01.12.2022წ.
USAID-ის “ძლიერი სოფლის პროგრამის” ფარგლებში, ონის მუნიციპალიტეტის მერიაში პროექტის – რეგიონულ კოორდინატორებსა და ადგილობრივი ხელისუფლების წარმომადგენლებს შორის სამუშაო შეხვედრა გაიმართა.
შეხვედრაზე საუბარი შეეხო “ძლიერი სოფლის პროგრამის მნიშვნელობას”, რომელიც ხელს შეუწყობს მცირე საწარმოებისა და თემების სოციალურ-ეკონომიკური უნარების გაძლიერებას.
პროგრამის კოორდინატორებმა, პროექტის წარმატებით განხორციელების საქმეში, ონის მუნიციპალიტეტის მერს, ბიზნესსექტორთან, საზოგადოებრივ ინსტიტუტებსა და მეწარმეებთან შუამავლობა სთხოვეს.
სერგი ხიდეშელმა “ძლიერი სოფლის პროგრამის” მნიშვნელობასა და იმ სიკეთეებზე ისაუბრა, რომელიც ამ მიმართულებით სხვადასხვა პროექტების სახით, მუნიციპალიტეტში ხორციელდება.
შეხვედრის ბოლოს, მხარეები მჭიდრო თანამშრომლობაზე შეთანხმდნენ და ზემოაღნიშნული პროგრამის განხორციელების ფარგლებში სამომავლო შეხვედრები დაიგეგმა.