47
17.11.2022წ.
ადგილობრივი ხელისუფლების ჩართულობით, არსებული პირობების გაუმჯობესების მიზნით, ყოველწლიურად სხვადასხვა სახის ინფრასტრუქტურული პროექტი ხორციელდება.
ონის მუნიციპალიტეტი, ქალაქ ონს და 64 სოფელს მოიცავს, რომლებიც 19 ადმინისტრაციულ ერთეულისგან შედგება. თითოეულ მათგანში საქართველოს მთავრობის განკარგულების შესაბამისად, სოფლის მხარდაჭერის პროგრამის ფარგლებში ჩატარდა საერთო კრებების სხდომები, სადაც ონის მუნიციპალიტეტის დასახლებებში გასამართი კრების უფლებამოსილმა პირებმა სოფლის მხარდაჭერის პროგრამის საპროექტო წინადადებების სახელმძღვანელოს შესაბამისად, საბაზისო ინფრასტრუქტურის მოწყობა-რეაბილიტაციის შესახებ, მოსახლეობას გაუწიეს კონსულტაციები.
საერთო კრებებზე მოსახლეობამ სოფლისთვის მნიშვნელოვანი პრიორიტეტები განსაზღვრა, რაც დაფინანსდა “სოფლის მხარდაჭერის პროგრამის ფარგლებში”.
ონის მუნიციპალიტეტში 2022 წელს “სოფლის მხარდაჭერის პროგრამის“ ფარგლებში განხორციელდა შემდეგი პროექტები:
წყლის სისტემის რეაბილიტაცია.
სანიაღვრე არხების მოწყობა.
შიდა საუბნო გზების რეაბილიტაცია.
გარე-განათების მოწყობა.
სკვერებისა და სპორტული მოედნების მოწყობა.
სველი წერტილების მოწყობა.
მდინარეზე გადასასვლელი ხიდ-ბოგირის მოწყობა.
“სოფლის მხარდაჭერის პროგრამა” 2023 წელსაც გრძელდება და მოსახლეობას საშუალება მიეცემა საერთო კრების ფორმატში წარმოადგინონ და მხარი დაუჭირონ სოფლისთვის მნიშვნელოვან პრიორიტეტულ საკითხებს.