35
23.03.2021წ.
რაჭა ლეჩხუმ სვანეთის მაჟორიტარმა დეპუტატმა გოჩა ენუქიძემ, ადგილობრივი ხელისუფლების წარმომადგენლებთან ერთად, ონის მუნიციპალიტეტში, ფსორი-ბაჯიხევის მონაკვეთი მოინახულეს, სადაც 12 თებერვალს მეწყერი ჩამოწვა და ბეტონის საფარიანი გზა მნიშვნელოვნად დააზიანა.
სტიქიის სალიკვიდაციო სამუშაოების დაწყებისთანავე, პროცესში დროულად ჩაერთო გეოლოგიის დეპარტამენტი, რომელმაც შეაფასა და განსაზღვრა პროცესის შემდგომი რისკები.
შესაბამისად, სპეციალისტების მიერ გეოლოგიური დასკვნის დადებისთანავე დაიწყება საგზაო ინფრასტრუქტურის სრულად აღდგენითი სამუშაოები.
აღნიშნულ საკითზე ონის მუნიციპალიტეტის მერიაში გაიმართა შეხვედრა საგზაო დეპარტამენტის წარმომადგენლების, გარემოს ეროვნული სააგენტოს გეოლოგების, ცხმორი-ფსორი-ბაჯიხევის გზის-კონტრაქტორი კომპანიის და ადგილობრივი მეწარმეების ჩართულობით,შეხვედრას ესწრებოდნენ სახელმწოფო რწმუნებულის რაჭა-ლეჩხუმსა და ქვემო სვანეთში პარმენ მარგველიძის მოადგილეები გიორგი მაქარაშვილი და ლაშა ჭიჭინაძე.
შეხვედრაზე ჩამოყალიბდა სამოქმედო გეგმა,რომელიც მოიცავს ადგილზე არსებული ვითრების დაექსპერტებასა და შესაბამისი ექსპერტიზის დასკვნების საფუძველზე მიმდინარე პროექტების გადახედვა-კორექტირებას.
ამ ეტაპისთვის, სოფელთან დასაკავშირებლად მოწყობილია დროებითი ალტერნატიული გზა და ადგილობრივი მოსახლეობის გადაადგილება ამ დრომდე შეუფერხებლად ხორციელდება.