15
15.05.2023
15 მაისი ქართული კინოს დღე.
15 მაისს, ქართული კინოს დღეს, საქართველოს კინემატოგრაფიის ეროვნულმა ცენტრმა ქართული კინოს მარათონი გამართა.
ქართული კინოს 115 წლიანი მრავალფეროვანი ისტორიიდან მარათონის პროგრამა მაყურებელმა ღია გამოკითხვის მეშვეობით, თავადვე შეარჩია.
კინომარათონი საქართველოს 20 ქალაქში და მსოფლიოს 5 ქვეყანაში იმართება.
კინომარათონის ფარგლებში დღეს გიგა ჯაფარიძის სახელობის ონის კულტურის სახლში ნაჩვენები იქნა პირველი ქართული დოკუმენტური ფილმი – “აკაკი წერეთელის მოგზაურობა რაჭა-ლეჩხუმში.”
რეჟისორი -ვასილ ამაშუკელი.
ფილმის ჩვენებამდე ონის მუნიციპალიტეტის საკრებულოს განათლების, კულტურის, ახალგაზრდულ საქმეთა და სოციალურ საკითხთა კომისიის თავმჯდომარემ სონია გუგეშაშვილმა დამსწრეებს ქართული კინოს ისტორია გააცნო.