10.01.2022წ.
ჩატარებული ინტენსიური წმენდითი სამუშაოების შედეგად, ამ დროისთვის ონის მუნიციპალიტეტის ადმინისტრაციულ ერთეულებში ყველა მიმართულებით სრულად გაწმენდილია სოფლებამდე მისასვლელი გზები. აგრეთვე, სოფლის შიდა საუბნო გზები გაიწმინდა შემდეგ სოფლებში: ხიდეშლები, მაჟიეთი, საკაო, ბორცო, გომი, ჯინჭვისი, ჟამიერეთი, სხანარი, წედისი, ქვედი, ცხმორი, ფსორი, ბაჯიხევი, ხეითი, ზვარეთი, ფარახეთი, ჭიბრევი, შარდომეთი, შქმერი, უშოლთა, ხარითვალი, ბარი, სამთისი, მრავალძალი.
შეგახსენებთ, რომ დიდთოვლობისა და რთული მეტეოროლოგიური პირობების გამო, ონის მუნიციპალიტეტის სოფლებში, განსაკუთრებით მაღალმთიან სოფლებში, საავტომობილო გადაადგილება შეფერხდა და 3 იანვრიდან საავტომობილო გზებზე გაწმენდითი სამუშაოები ყველა მიმართულებით უწყვეტ რეჟიმში მიმდინარეობდა.
საჭიროების შემთხვევაში, გზების წმენდითი სამუშაოები ონის მუნიციპალიტეტის ადმინისტრაციულ ერთეულებში კვლავ განხორციელდება.