21.12.2025წ
ქალაქ ონში, მერიისა და საკრებულოს მხარდაჭერით გაიმართა მსოფლიოს ორგზის ვეტერანთა შორის- მსოფლიოს უნივერსიადის ჩემპიონის შურა მაისურაძის და მსოფლიოს ორგზის ჩემპიონის, ოლიმპიური თამაშების ვერცხლისა და ბრინჯაოს პრიზიორის გიორგი სხირტლაძის სახელობის რესპუბლიკური ტურნირი ჭაბუკთა და გოგონათა შორის, რომელიც წარმატებით დასრულდა.
ტურნირში მონაწილეობა მიიღო 135-მა სპორტსმენმა, რომლებიც საქართველოს 15 რეგიონს წარმოადგენდნენ.
ტურნირის დასასრულს ონის მუნიციპალიტეტის საკრებულოს თავმჯდომარემ გამარჯვებულ და პრიზიორ სპორტსმენებს სიგელები გადასცა, მათ წარმატებული ასპარეზობისთვის მადლობა გადაუხადა და მომავალ სპორტულ კარიერაში მრავალი გამარჯვება და წინსვლა უსურვა.
ონის მუნიციპალიტეტი მომავალშიც განაგრძობს სპორტის მხარდაჭერასა და ახალგაზრდა თაობის განვითარებაზე ზრუნვას.