ქალაქ ონს თანამედროვე სტანდარტების შესაბამისი მულტიფუნქციური სივრცე შეემატება

სარემონტო სამუშაოები დასრულდა. არსებულ ვითარებას ონის მუნიციპალიტეტის მერი სერგი ხიდეშელი, პირველ მოადგილე პაატა მაისურაძესთან, საკრებულოს თავმჯდომარე ბაჩანა მარკოიშვილთან და პროექტის მენეჯერ – თამარ ხომასურიძესთან ერთად ადგილზე გაეცნო.

პროექტის ფარგლებში შენობა აღიჭურვება საოფისე ტექნიკით და ავეჯით, შეიქმნება და განვითარდება ბიზნეს საკონსულტაციო ცენტრი, საკონფერენციო სივრცე, ახალგაზრდული სივრცე, ტურისტული და ადმინისტრაციული ცენტრები.

სარემონტო სამუშაოების ღირებულებამ 537 508 ლარი შეადგინა, ის რეგიონებში განსახორციელებელი პროექტების ფონდის და ადგილობრივი ბიუჯეტის თანადაფინანსებით განხორციელდა.

ევროკავშირისა და გერმანიის მთავრობის მიერ დაფინანსებული პროექტის CESL-ის ფარგლებში, რომელსაც ახორციელებს GIZ, ონის მუნიციპალიტეტმა პროექტის “მულტიფუნქციური სივრცის აღჭურვა” განსახორციელებლად 100 000 ლარის ოდენობით საგრანტო დაფინანსება მოიპოვა. ადგილობრივი ბიუჯეტიდან დამატებით შენობის კეთილმოწყობისთვის 8000 ლარი გამოიყო.

ქალაქ ონში მულტიფუქნციური სივრცე უახლოეს პერიოდში გაიხსნება.