სტიქიის შედეგად გარე სამყაროს მოწყვეტილ ორ სოფელს – გლოლასა და შოვს ელექტროენერგიის მიწოდება აღუდგა

03.08.2020წ.

ონის მუნიციპალიტეტში , სტიქიის შედეგად გარე სამყაროს მოწყვეტილ ორ სოფელს – გლოლასა და შოვს ელექტროენერგიის მიწოდება აღუდგა.

დღეს, დილიდან სოფელ ლანგვანთაში ჩამოშლილ ხიდზე ორი სექციის სამონტაჟო სამუშაოები დაიწყო.

დროებითი გადასასვლელი მოეწყო ქუთაისი (ჭომა)-ალპანა-მამისონის უღელტეხილის საავტომობილო გზის 128-ე კმ-ზე და შესაძლებელი გახდა სამუშაოების დაწყება 129-ე კმ-ზე ჩაშლილი გზის დროებით აღსადგენად, ხოლო საკაოს ხეობაში, სოფელ ხიდეშლებთან დამაკავშირებელ გზაზე, მძიმე ტექნიკის გამოყენებით უკვე ატანილია სარმის 2 ნაწილი. დარჩენილი 3 ნაწილის ატანის შემდეგ დაიწყება იმ ერთადერთი ხიდის მონტაჟი, რომელიც ხეობის ორ სოფელს ქალაქ ონთან აკავშირებს.

დღის მეორე ნახევრიდან უკვე შესაძლებელი იქნება მოძრაობა სოფელ ჟამიერეთის მიმართულებით.

უგზოობის პერიოდში, ამ სოფელში მოსახლეობისათვის საკვებისა და საჭირო ნივთების მიწოდება მაშველების დახმარებითა და საბაგირო გზის გამოყენებით ხორციელდებოდა.

საკაოს ხეობაში გზის გარეშე მყოფი მოსახლეობა აცხადებს, რომ ხელისუფლების მხრიდან ხეობას შესაბამისი ყურადღება ექცევა.

6 დღის წინ ღვარცოფმა რაჭის რეგიონს მნიშვნელოვანი ზიანი მიაყენა. სტიქიამ ონის მუნიციპალიტეტის 12 სოფელი გარე სამყაროს მოწყვიტა, დაზიანდა ცენტრალური გზის რამდენიმე მონაკვეთი. სტიქიით მიყენებული ზარალი დაახლოებით 50 მილიონ ლარს შეადგენს.

Related posts

რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ადგილობრივი ხელისუფლების წარმომადგენლებთან ერთად, ამირან სხიერელის ხსოვნისადმი მიძღვნილ საკალათბურთო ტურნირის გახსნას დაესწრო

2024-2025 სასწავლო წლის მეორე სემესტრის წარმატებული სტუდენტებისთვის ონის   მუნიციპალიტეტის მერის სტიპენდიის მინიჭების კონკურსი დაიწყო

ქალაქ ონის სასპორტო სკოლის კომპლექსში გაიმართება ევროპის ჩემპიონთა თასის მფლობელის, თბილისის დინამოს“ მწვრთნელის,საერთაშორისო კლასის სპორტის ოსტატის,საქართველოს დამსახურებული მწვრთნელის, ღირსების ორდენის კავალერის – ამირან სხიერელის ხსოვნისადმი მიძღვნილი რესპუბლიკური ტურნირი კალათბურთში