შეხვედრა კითხვა-პასუხის რეჟიმში გაიმართა.
მიმდინარე წლის 17 აპრილს გაეროს სურსათისა და სოფლის მეურნეობის ორგანიზაციის (FAO) წარმომადგენლებმა სოფელ ზუდალში შეხვედრა გამართეს კვაშხიეთის ადმინისტრაციული ერთეულის მოსახლეობასთან.
შეხვედრა კითხვა-პასუხის რეჟიმში გაიმართა, (FAO) წარმომადგენლებმა მოისმინეს მოსახლეობის აზრი, რადგან აღნიშნული პროექტების განსახორციელებლად, მნიშვნელოვანია ადგილობრივი თემის მოსახლეობის აქტიური ჩართულობა, რაც თემის შერჩევის ერთ-ერთი განმსაზღვრელი კრიტერიუმია. ▪️
გაეროს სურსათისა და სოფლის მეურნეობის ორგანიზაცია (FAO) საქართველოს გარემოს დაცვისა და სოფლის მეურნეობის სამინისტროსთან ერთად, ავსტრიის განვითარების სააგენტოს ფინანსური მხარდაჭერით, გეგმავს ონის მუნიციპალიტეტში სოფლისა და სოფლის მეურნეობის განვითარების მხარდამჭერი პროექტების განხორციელებას.
პროექტის ფარგლებში მოხდება სადემოსტრაციო ნაკვეთების მოწყობა და ადგილობრივი თემის განვითარების პროექტის შემუშავება, ასევე სოფლის განვითარების ხელშემწყობი სხვადასხვა პროექტების დაფინანსება ადგილობრივ მუნიციპალიტეტთან ერთად.
