ონის მუნიციპალიტეტში სოფლის მხარდაჭერის პროგრამით დასაფინანსებელი პროექტების შერჩევის მიზნით მოსახლეობასთან შეხვედრები გრძელდება

ონის მუნიციპალიტეტში სოფლის მხარდაჭერის პროგრამით დასაფინანსებელი პროექტების შერჩევის მიზნით მოსახლეობასთან შეხვედრები გრძელდება.

7 მარტს, ონის მუნიციპალიტეტის მერის პირველი მოადგილე გიორგი ნოდარიშვილი, მოადგილე ლევან შერაზადიშვილი, ასევე სოფლის მხარდაჭერის პროგრამით გათვალისწინებული ღონისძიებების ორგანიზებულად განხორციელების მიზნით შექმნილი სამუშაო ჯგუფი კვაშხიეთის, ფარახეთის და სორის ადმინისტრაციული ერთეულების სოფლებში ადგილობრივ მოსახლეობას შეხვდნენ.

აღნიშნულ სოფლებში ჩატარდა საერთო კრებების სხდომები, მოსახლეობას გაეწია კონსულტაციები საპროექტო წინადადებების შერჩევასთან დაკავშირებით და განემარტა, რომ სოფლის მხარდაჭერის პროგრამა ორიენტირებულია საბაზისო ინფრასტრუქტურის მოწყობა-რეაბილიტაციაზე სახელმძღვანელოს „სოფლის მხარდაჭერის პროგრამით საპროექტო წინადადებების შერჩევა“ შესაბამისად.

საერთო კრებებზე მოსახლეობამ სოფლისთვის მნიშვნელოვნი პრიორიტეტები განსაზღვრა, რაც “სოფლის პროგრამის ფარგლებში” დაფინანსდება.

შეგახსენებთ, რომ გასულ 2021 წელს „სოფლის მხარდაჭერის პროგრამის“ ფარგლებში 60-ზე მეტი პროექტი განხორციელდა, რისთვისაც ჯამში 629686,99 ლარი დაიხარჯა.

სოფლის მხარდაჭერის პროგრამის ფარგლებში საქართველოს მთავრობის განკარგულებით გამოყოფილი თანხებით და თანადაფინანსებით ონის მუნიციპალიტეტში 2022 წელს 820 000 ლარი დაიხარჯება.

2022 წლის 7 მარტის მონაცემებით, ონის მუნიციპალიტეტში ადგილობრივ მოსახლეობასთან შეხვედრები 15 ადმინისტრაციული ერთეულის 57 სოფელში ჩატარდა.

სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით მოსახლეობასთან შეხვედრები ონის მუნიციპალიტეტის სოფლებში 8 მარტს დასრულდება