ონის მუნიციპალიტეტში მოსულმა ძლიერმა ნალექმა მდინარე ღარულას ადიდება გამოიწვია, რამაც პრობლემა შეუქმნა სოფელ ღარში მცხოვრები მოსახლეობის საკარმიდამო ნაკვეთებს.

კალაპოტიდან გადმოსულმა მდინარე ღარულამ, დაარღვია დამცავი ნაპირსამაგრი გაბიონი და  საფრთხე შეუქმნა სოფელ ღარში მცხოვრები მოსახლეობის საკარმიდამო ნაკვეთებს, სასოფლო-სამეურნეო სავარგულებამდე მისასვლელ საავტომობილო გზის სავალ ნაწილს, ასევე დააზიანა სოფელში არსებული სამი საფეხმავლო ხიდი.

ამ დროისათვის, უამინდობისგან გამოწვეული პრობლემის დროულად მოგვარების მიზნით შექმნილია სტიქიის შემსწავლელი დროებითი სამუშაო ჯგუფი, რომელიც დაითვლის მიყენებულ ზარალს  და უმოკლეს პერიოდში გატარდება საჭირო ღონისძიებები.

დილიდან სტიქიის ზონაში სახელმწიფო რწმუნებულის პირველ მოადგილესთან – გიორგი მაქარაშვილთან ერთად, იმყოფებოდნენ  მერის მოადგილე – ლევან შერაზადიშვილი, საკრებულოს თავმჯდომარე –  ბაჩანა მარკოიშვილი და საკრებულოს თავმჯდომარის მოადგილე გიორგი მარკოიშვილი.

Related posts

ონის მუნიციპალიტეტის მერი სერგი ხიდეშელი იაპონიის საგანგებო და სრულუფლებიან ელჩს საქართველოში იშიძუკა ჰიდეკს შეხვდა

ონის მუნიციპალიტეტის საკრებულო ღრმა მწუხარებას გამოთქვამს, საკრებულოს წევრის გივი მეტრეველის გარდაცვალების გამო.

რაჭა-ლეჩხუმ ქვემო სვანეთის სახელმწიფო რწმუნებული პაპუნა მარგველიძე ეროვნული სატყეო სააგენტოს უფროსის მოადგილე დავით ალადაშვილს შეხვდა