ონის მუნიციპალიტეტის სივრცის დაგეგმარების, ქალაქ ონისა და სოფელ ღების განაშენიანების გეგმების შემუშავებასთან დაკავშირებით, სივრცითი და ქალაქთმშენებლობითი განვითარების სააგენტოს წარმომადგენლები, პროექტზე მომუშავე საერთაშორისო კომპანიის ექსპერტებთან ერთად, რაჭა-ლეჩხუმ ქვემო სვანეთის სახელმწიფო რწმუნებულის პირველ მოადგილეს, ქრისტინა კობახიძეს და ონის მუნიციპალიტეტის მერს, დავით ლობჟანიძეს შეხვდნენ

ონის მუნიციპალიტეტის სივრცის დაგეგმარების, ქალაქ ონისა და სოფელ ღების განაშენიანების გეგმების შემუშავებასთან დაკავშირებით, სივრცითი და ქალაქთმშენებლობითი განვითარების სააგენტოს წარმომადგენლები, პროექტზე მომუშავე საერთაშორისო კომპანიის ექსპერტებთან ერთად, რაჭა-ლეჩხუმ ქვემო სვანეთის სახელმწიფო რწმუნებულის პირველ მოადგილეს, ქრისტინა კობახიძეს და ონის მუნიციპალიტეტის მერს, დავით ლობჟანიძეს შეხვდნენ.

შეხვედრაზე განსაკუთრებული აქცენტი გაკეთდა პროექტის ფარგლებში ონის მუნიციპალიტეტში საცხოვრებელი გარემოს გაუმჯობესებასა და ეკონომიკური განვითარების შესაძლებლობებზე.

აღინიშნა, რომ გეგმარების პროცესში გათვალისწინებული იქნება ონის კულტურული და ლანდშაფტური მემკვიდრეობის და ბუნებრივი რესურსების შენარჩუნებისა და კლიმატის ცვლილების ფაქტორები. ამასთან, გეგმა მთიან რეგიონში არსებულ ინტერესთა კონფლიქტებს გაითვალისწინებს და წარმოადგენს პასუხისმგებლიან, მდგრადი დაგეგმვისა და განხორციელების მექანიზმებს.

შეხვედრის ფარგლებში, არქიტექტურისა და ურბანული მიმართულების სპეციალისტებთან ერთად, საველე გასვლაც შედგა, სადაც ქალაქ ონისა და სოფელი ღების სხვადასხვა არეალზე ტერიტორიის შესწავლითი სამუშაოები ჩატარდა.

პროექტს სივრცითი და ქალაქთმშენებლობითი განვითარების სააგენტო, აზიის განვითარების ბანკის (ADB) მხარდაჭერით ახორციელებს. კონსორციუმის ლიდერია იტალიური კომპანია “JV between Keios Srl”, მისი თანაპარტნიორი კი “CMC LLC” (საქართველო) ხოლო ქვეკონსულტანტი “Adapt 40” (დიდი ბრიტანეთი).