03.09.2025წ.
ონის მუნიციპალიტეტის მერი სერგი ხიდეშელი კომანდლის ადმინისტრაციულ ერთეულში მიმდინარე გზის სარეაბილიტაციო სამუშაოებს გაეცნო.
პროექტი სოფელ ქორთიდან ბოყვამდე გზის 3 კმ სიგრძის მონაკვეთზე ასფალტ-ბეტონის საფარის, ხიდბოგირებისა და გადასასვლელების, ხიდის და ლითონის მოაჯირების მოწყობას ითვალისწინებს.
სამუშაოების ღირებულება 1 693 735 ლარს შეადგენს და ის სახელმწიფო ბიუჯეტის დაფინანსებით ხორციელდება.
პროექტით გათვალისწინებული სამუშაოების დასრულება 2026 წლის თებერვალში იგეგმება.