ონის მუნიციპალიტეტის მერი – სერგი ხიდეშელი, რაჭა- ლეჩხუმისა და სვანეთის მაჟორიტარი დეპუტატის ბიუროს ხელმძღვანელ – ქრისტინა კობახიძეთან ერთად, მუსიკალური ფესტივალი “ROKVA”-ს ორგანიზატორებს შეხვდა.

ხელმძღვანელმა პირებმა, ფესტივალის ორგანიზატორებთან ერთად, საორგანიზაციო საკითხები და არსებული საჭიროებები განიხილეს და იმსჯელეს მათი გადაჭრის ალტერნატიულ გზებზე.

შეგახსენებთ, რომ ყოველწლიური მუსიკალური ფესტივალი “ROKVA” ონის მუნიციპალიტეტის კურორტ შოვში, 29-31 ივლისის პერიოდში გაიმართება და სხვადასხვა კონცეფციით უმასპინძლებს მსმენელს.