19.02.2020წ.
19 თებერვალს იუსტიციის სამინისტროს საჯარო რეესტრის ეროვნული სააგენტოს წარმომადგენლებმა მიწის რეფორმის ფარგლებში, კანონმდებლობაში განხორციელებულ ცვლილებებთან დაკავშირებით, ონის მუნიციპალიტეტის მერიაში საინფორმაციო შეხვედრა გამართეს ონის მუნიციპალიტეტის მერიის აღიარების კომისიის წევრებთან, მერის წარმომადგენლებთან ადმინისტრაციულ ერთეულებში და საჯარო მოხელეებთან, რომელთა სამსახურებრივი მოვალეობას მიწის კანონმდებლობაზე მუშაობა შეადგენს.
ახალი კანონი უძრავი ქონების რეგისტრაციის პროცედურების გამარტივებასა და მესაკუთრის უფლებების დაცვაზეა ორიენტირებული.
რეგისტრაცია კვლავინდებურად იწარმოებს ორი სახით: სპორადული და სისტემური წესით.