ემზარ საბანაძე “სოფლის ექიმის” სახელმწიფო პროგრამის ფარგლებში ონის მუნიციპალიტეტში დასაქმებულ ექიმებს შეხვდა

07.02.2020წ.

ემზარ საბანაძე “სოფლის ექიმის” სახელმწიფო პროგრამის ფარგლებში ონის მუნიციპალიტეტში დასაქმებულ ექიმებს შეხვდა

ონის მუნიციპალიტეტის მერი ემზარ საბანაძე საკრებულოს თავმჯდომარესთან შუქურა ჯაფარიძესთან ერთად ონის მუნიციპალიტეტში “სოფლის ექიმის” სახელმწიფო პროგრამის ფარგლებში დასაქმებულ ექიმებს შეხვდა.

შეხვედრას რაჭა-ლეჩხუმისა და ქვემო სავანეთის მხარის გუბერნატორის მოადგილე ლევან ქვათაძე და სოციალური მომსახურების სააგენტოს რეგიონალური სამსახურის უფროსი დავით მუსერიძე ესწრებოდნენ.

ემზარ საბანაძემ ონის მუნიციპალიტეტისთვის “სოფლის ექიმის“ პროგრამის მნიშვნელობასა და ამ სფეროში არსებულ გამოწვევებზე ისაუბრა.

პრობლემები ძირითადად ტრანსპორტის, შენობა-ნაგებობის არქონას და ზამთრის პერიოდში სოფლების რთულ გეოგრაფიულ მდებარეობას უკავშირდება.

“აღნიშნულ პროგრამაში დასაქმებული ექიმების, როგორც სამედიცინო სფეროს ყველა წარმომადგენლის პასუხისმგებლობა უდიდესია მოსახლეობის წინაშე, რაც ხშირ შემთხვევაში რთულ პირობებში მუშაობასაც გულისხმობს. მერია კომპეტენციისა და შესაძლებლობის ფარგლებში ყოველთვის მხარს დაუჭერს თითოეულ ექიმს საქმიანობის პროცესში”, – განაცხადა მუნიციპალიტეტის მერმა ემზარ საბანაძემ.

სოციალური მომსახურების სააგენტოს რეგიონალური სამსახურის უფროსის დავით მუსერიძის განცხადებით, მარტის თვეში სამედიცინო სფეროში დაანონსებული ცვლილებები გარკვეულწილად გააუმჯობესებს არსებულ მდგომარობას.

Related posts

ბავშვთა დაცვის საერთაშორისო დღესთან დაკავშირებით, ქალაქ ონის გიგა ჯაფარიძის სახელობის კულტურის სახლში ადგილობრივი შემსრულებლების მონაწილეობით კონცერტი გაიმართა

ბავშვთა დაცვის საერთაშორისო დღესთან დაკავშირებით ა(ა)იპ ბავშვთა და მოზარდთა სასპორტო სკოლის კომპლექსის ორგანიზებით ფრენბურთში მინი ჩემპიონატი გაიმართა

1 ივნისს, დიდ ქართველ პედაგოგს , მწერალს, საზოგადო მოღვაწეს,, რაჭის კოლორიტს სიმონ სხირტლაძეს დაბადებიდან 113 წელი შეუსრულდა