17.07.2020წ.
დავით ჩიკვაიძე ა(ა)იპ დაწესებულებებში ვიზიტს და თანამშრომლებთან შეხვედრას განაგრძობს.
16 ივლისს, ონის მუნიციპალიტეტის მერის მოვალეობის შემსრულებელი დავით ჩიკვაიძე , მოადგილესთან გიორგი მაქარაშვილთან ერთად, ა(ა)იპ ონის მუნიციპალიტეტის მხარეთმცოდნეობის მუზეუმის თანამშრომლებს შეხვდა.
დავით ჩიკვაიძემ მუზეუმის ყველა თანამშრომელს მადლობა გადაუხადა მრავალწლიანი დაუღალავი შრომისთვის , ჩვენი კუთხის ეთნოგრაფიის, ფოლკლორის ,ისტორიული მემკვიდრეობის გადარჩენისა და მოვლა- პატრონობისთვის , ასევე კულტურის განვითარებაში შეტანილი წვლილისთვის,
ონის მუნიციპალიტეტის მერის მოვალეობის შემსრულებელმა დაათვალიერა შენობა, სადაც მუნიციპალიტეტის ტერიტორიაზე ნაპოვნი უძველესი პერიოდის ექსპონატებია დაცული. აღნიშნული უნიკალური მასალები მუზეუმის საცავებში ათწლეულების განმავლობაში ინახებოდა.
შეხვედრისას ისაუბრეს მუზეუმში არსებული პრობლემების, მათი გადაჭრის გზების, სამოქმედო გეგმების და სტრატეგიის შესახებ, რაც შემდგომში დადებითად აისახება მუზეუმების განვითარებაზე, ასევე ქალაქ ონში მიმდინარე ახალი მუზეუმის მშენებლობის შესახებ.