მერი გაეცნო ონი-ირის გზაზე ასფალტირებისთვის მოსამზადებელი ეტაპის სამუშაოების მიმდინარეობას, ასევე სოფელ ირში სახიდე გადასასვლელის მოწყობის დასრულების სამუშაოებს; ემზარ საბანაძე იმყოფებოდა სოფელ ქვედში, სადაც ყოფილი სკოლის ტერიტორიიდან სკოლის ნანგრევების გატანა და ადგილის გასუფთავება მოხდა
ონის მუნიციპალიტეტის მერმა ემზარ საბანაძემ, პირველ მოადგილესთან დიმიტრი საყვარელიძესთან ერთად, ინფრასტრუქტურული სამუშაოების მონიტორინგის ფარგლებში, რამდენიმე პროექტი მოინახულა.
მერი გაეცნო ონი-ირის გზაზე ასფალტირებისთვის მოსამზადებელი ეტაპის სამუშაოების მიმდინარეობას, ასევე სოფელ ირში სახიდე გადასასვლელის მოწყობის დასრულების სამუშაოებს; ემზარ საბანაძე იმყოფებოდა სოფელ ქვედში, სადაც ყოფილი სკოლის ტერიტორიიდან სკოლის ნანგრევების გატანა და ადგილის გასუფთავება მოხდა.
მუნიციპალიტეტის მერი ასევე გაეცნო სოფელ ქვედრულაზე ნაპირსამაგრის მოწყობისა და სოფელ ჭალაში სახიდე გადასასვლელის მოწყობის სამუშაოების მიმდინარეობას.
ემზარ საბანაძე გაესაუბრა ადგილობრივ მოსახლეობას.
მერის განცხადებით, ინფრასტრუქტურული სამუშაოების მონიტორინგი უწყვეტ რეჟიმში გაგრძელდება, რათა ხალხისთვის სასურველი და მოსაწონი შედეგი იქნას მიღებული.
