რთულმა მეტეოროლოგიურმა პირობებმა, ონის მუნიციპალიტეტში პრობლემები შექმნა, როგორც გზებზე გადაადგილების ისე ელექტროენერგიის მიწოდების მხრივ.

მუნიციპალიტეტში მობილიზებულია ტექნიკა, შექმნილია სამუშაო ჯგუფები, რომლებიც აქტიურად მუშაობენ აღნიშნული პრობლემების აღმოსაფხვრელად.

ონის მუნიციპალიტეტის საკრებულოს თავმჯდომარემ – ბაჩანა მარკოიშვილმა, მოადგილებთაან და საკრებულოს წარმომადგენლებთან ერთად ადგილზე მოინახულა ელექტროენერგიის აღდგენითი და გზის გაწმენდითი სამუშაოები.

ასევე გაეცნო მოსახლეობის საჭიროებებს.

სამუშაოები როგორც გზების წმენდის მიმართულებით ისე ელ.ენერგიის აღდგენის კუთხით მუნიციპალიტეტის მასშტაბით, ეტაპობრივად გაგრძელდება და ყველა პრობლემურ მონაკვეთს მოიცავს.