ახალი 2023-2024 სასწავლო წელი მუნიციპალიტეტის ადრეული და სკოლამდელი აღზრდის დაწესებულებებში დღეს განახლდა

დღეის მდგომარეობით ონის მუნიციპალიტეტის მასშტაბით 140 ბავშვი დარეგისტრირდა. წლევანდელი ახალი სასწავლო წელი იმითაა გამორჩეული, რომ ონის მუნიციპალიტეტმა გამოაცხადა – „ არცერთი ბავშვი სასკოლო მზაობის გარეშე!“

მიმდინარე სასწავლო წელს უკვე მუნიციპალიტეტის ყველა სოფელში, სადაც არ არის ბაღი და ცხოვრობს 5-6 წლიანი ასაკის ბავშვი, გაივლის ადრეული და სკოლამდელი აღზრდისა და განათლების სახელმწიფო სტანდარტს. ამ დროისთვის მუნიციპალიტეტში 4 ესეთი ცენტრია გახსნილი და სასწავლო პროცესი 2 ოქტომბერს დაიწყება. სასკოლო ასაკის ბავშვები 30 კვირის მანძილზე, კვირაში ხუთი დღე, სამ საათიანი დღის რეჟიმით, გაივლიან ადრეული და სკოლამდელი აღზრდისა და განათლების სახელმწიფო სტანდარტს.

ასევე, საქართველოს პრემიერ-მინისტრის ინიციატივით, მიმდინარე წელს დაიწყება ონის მუნიციპალიტეტის სოფელ ღარში 50 ბავშვზე გათვლილი საბავშვო ბაღის მშენებლობა. აღნიშნული პროგრამის ფარგლებში კი ქვეყნის მასშტაბით 885 საბავშვო ბაღის მშენებლობა-რეაბილიტაციაა დაგეგმილი.