09.05.2023წ.
9 მაისი ფაშიზმზე გამარჯვების დღეა.
დღეს 9 მაისს, ადგილობრივი ხელისუფლების წარმომადგენლებმა, შეკრებილ საზოგადოებასთან ერთად, ტრადიციულად, მეორე მსოფლიო ომში გმირულად დაღუპული გალაქტიონ რაზმაძისა და ერმალო კობერიძის ბიუსტები ყვავილებით შეამკეს და წუთიერი დუმილით პატივი მიაგეს მეომრების ხსოვნას.
საქართველოს მთავრობის განკარგულებით, ფაშიზმზე გამარჯვების 78-ე წლისთავთან დაკავშირებით, მეორე მსოფლიო ომის მონაწილეები ერთჯერადად 1000 ლარს, ხოლო მეორე მსოფლიო ომში დაღუპულთა ოჯახის წევრები – 500 ლარს მიიღებენ.
განკარგულებას საქართველოს პრემიერ-მინისტრმა ირაკლი ღარიბაშვილმა ხელი უკვე მოაწერა.