09.09.2025წ.
საქართველოს კულტურის სამინისტროს მხარდაჭერით, 13 სექტემბერს, ონის მუნიციპალიტეტის გიგა ჯაფარიძის სახელობის ონის კულტურის ცენტრში პროექტის – „ცოცხალი წიგნები“ 2025 ფარგლებში ღონისძიება გაიმართება.
პროექტს ახორციელებს მწერალთა სახლი და მისი მიზანია თანამედროვე ქართული ლიტერატურის პოპულარიზაცია, ავტორებისა და მკითხველების დაახლოება და ახალი თაობის მწერლების წარმოჩენა.
„ცოცხალი წიგნები” 2015 წელს დაარსდა და საიუბილეო წელს მკითხველს განახლებულ ფორმატში, ახალი ავტორებით ხვდება.
ონელ მსმენელს თავიანთ შემოქმედებას გააცნობენ პროექტის მონაწილეები: ბესო ხვედელიძე, ქეთი ჯოლბორდი, ია სულაბერიძე, დავით კიკვაძე.
შეხვედრები ჩატარდება ინტერაქტიული ფორმატით: დამსწრეებს შესაძლებლობა ექნებათ დაუსვან კითხვები ავტორებს, იმსჯელონ ლიტერატურაზე და წაიკითხონ საკუთარი ტექსტები