05.10.2024წ.
ყველაზე საპატიო, საპასუხისმგებლო და ღირსეული პროფესიის წარმომადგენლებო, ჩვენო ძვირფასო პედაგოგებო გილოცავთ პროფესიულ დღეს!
პედაგოგის პროფესია განსაკუთრებული მნიშვნელობისაა.
უდიდესია თქვენი დამსახურება ჩვენი ქვეყნისა და ერის წინაშე, თქვენი როლი მომავალი თაობის აღზრდაში. პატარებს ცხოვრების გზის დასაწყისში, ფეხზე მყარად დგომას ასწავლით და ცოდნას აზიარებთ, ეს ცოდნა კი მომავალში გზას უკვალავს ახალგაზრდებს.
ქვეყნის განვითარებისა და წინსვლის საფუძველი განათლებული და გონიერი მომავალი თაობაა, რომლის ღირსეული აღზრდა მნიშვნელოვნად თქვენზეა დამოკიდებული.
მადლობას გიხდით თითოეულ თქვენგანს შრომისა და ძალისხმევისთვის, გაცემული ცოდნისა და შთაგონებისთვის, იმ დიდი ღვაწლისათვის, რომელზეც არა მხოლოდ ჩვენი, არამედ ჩვენი ქვეყნის მომავალია დამოკიდებული.
ონის მუნიციპალიტეტის მერი – სერგი ხიდეშელი