“სოფლის მხარდაჭერის“ პროგრამის ფარგლებში განსახორციელებელი პროექტების შერჩევის მიზნით, მოსახლეობასთან შეხვედრები გრძელდება

ონის მუნიციპალიტეტის მერი – სერგი ხიდეშელი, საკრებულოსა და მერის წარმომადგენლებთან ერთად, საკაოს ადმინისტრაციულ ერთეულში სოფლის მოსახლეობას შეხვდა და პროგრამის ფარგლებში განსახორციელებელი პროექტები განიხილა.

ადგილობრივების უშუალო ჩართულობით, გამოვლინდა შემდეგი პრიორიტეტული მიმართულებები:

სოფ. ხიდეშლები – წყლის სისტემის რეაბილიტაცია;

სოფ. მაჟიეთი – სასაფლაოს შემოღობვა;

სოფ. ბორცო – სკვერის კეთილმოწყობა;

სოფ. საკაო – წყლის სისტემის რეაბილიტაცია, სკვერის კეთილმოწყობა;

სოფ. ლაგვანთა – გზის რეაბილიტაცია, გარე განათების მოწყობა.

საქართველოს მთავრობის განკარგულების შესაბამისად ამ პროგრამის ფარგლებში წელს, ონის მუნიციპალიტეტისთვის გამოყოფილი თანხა შეადგენს 648 000 ლარს.

ყველა დასახელებულ პროექტს კი ონის მუნიციპალიტეტის მერია წლის ბოლომდე განახორციელებს.

აღნიშნული პროგრამა, ხელს უწყობს მოქალაქეთა ჩართულობის გაზრდას, როგორც მათი სოფლისთვის მნიშვნელოვანი საკითხების მოგვარებაში, ასევე, თემის პრიორიტეტებისა და სამომავლო განვითარების მიმართულების განსაზღვრაში.