საქართველოს ქალთა საბჭოს მიერ განხორციელებული აქციები

11.06.2020წ.

საქართველოს ქალთა საბჭო, უკვე რამდენიმე წელია, სხვადასხვა სახის აქციებს ახორციელებს რაჭა-ლეჩხუმისა და ქვემო სვანეთის ქალთა საბჭოსთან ერთად – თავმჯდომარე მაყვალა ჯაფარიძე.

ახლახანს, საქართველოს ქალთა საბჭომ სააფთიაქო კომპანია „ავერსის“ დახმარებით, 1000 ლარის სხვადასხვა სახის მედიკამენტი და მეორადი ტანსაცმელი გადმოგვცა მუნიციპალიტეტში მცხოვრები მოწყვლადი ჯგუფებისათვის.

მედიკამენტები, მთლიანად გადაეცა ა(ა)იპ ონის მუნიციპალიტეტის საზოგადოებრივი ჯანდაცვის ცენტრს, რომელიც პრეპარატებს, საჭიროების მიხედვით გადასცემს სოციალურად დაუცველ ავადმყოფებს.
მეორადი ტანსაცმელი, გაუნაწილდებათ მრავალშვილიან დედებს და სოციალურად დაუცველთა ოჯახებს.

ონის მუნიციპალიტეტის განათლების, კულტურის, სპორტის, ახალგაზრდობის საქმეთა, სოციალური და ჯანმრთელობის დაცვის სამსახური მადლიერებას გამოხატავს საქართველოს ქალთა საბჭოს, რაჭა-ლეჩხუმისა და ქვემო სვანეთის ქალთა საბჭოს და კომპანია „ავერსის“ სააფთიაქო ქსელის ხელმძღვანელობის მიმართ, გამოჩენილი გულისხმიერებისათვის!

Related posts

ონის მუნიციპალიტეტის მერი სერგი ხიდეშელი იაპონიის საგანგებო და სრულუფლებიან ელჩს საქართველოში იშიძუკა ჰიდეკს შეხვდა

ონის მუნიციპალიტეტის საკრებულო ღრმა მწუხარებას გამოთქვამს, საკრებულოს წევრის გივი მეტრეველის გარდაცვალების გამო.

რაჭა-ლეჩხუმ ქვემო სვანეთის სახელმწიფო რწმუნებული პაპუნა მარგველიძე ეროვნული სატყეო სააგენტოს უფროსის მოადგილე დავით ალადაშვილს შეხვდა