რაჭა-ლეჩხუმ სვანეთის მაჟორიტარმა დეპუტატმა გოჩა ენუქიძემ სახელმწიფო რწმუნებულთან პაპუნა მარგველიძესთან და ონის მუნიციპალიტეტის მერთან სერგო ხიდეშელთან ერთად, ონის მუნიციპალიტეტის, მერიის სამსახურებთან სამუშაო შეხვედრა გამართა

22.03.2022წ.

რაჭა-ლეჩხუმ სვანეთის მაჟორიტარმა დეპუტატმა გოჩა ენუქიძემ სახელმწიფო რწმუნებულთან პაპუნა მარგველიძესთან და ონის მუნიციპალიტეტის მერთან სერგო ხიდეშელთან ერთად, ონის მუნიციპალიტეტის, მერიის სამსახურებთან სამუშაო შეხვედრა გამართა.
შეხვედრაზე განიხილეს ონის მუნიციპალიტეტში მიმდინარე და დაგეგმილი ინფრასტრუქტურული პროექტები, მათ შორის ქ. ონში აგრარული ბაზრის სარეაბილიტაციო სამუშაოები და სოფლის მხარდამჭერი პროგრამის ფარგლებში, მოსახლეობის მხრიდან პრიორიტეტულ საკითხად დასახელებული დასაფინანსებელი პროექტები, რომელთა განხორციელება მუნიციპალიტეტის ყველა ადმინისტრაციულ ერთეულში, უახლოეს მომავალში დაიწყება.
შეხვედრის ფორმატში ასევე განიხილეს სოციალური პროგრამები, ონის მოსახლეობის საჭიროებები და მუნიციპალიტეტის წინაშე მდგარი სხვა გამოწვევები.
“აუცილებელია, სწორი სტრატეგიით და ეფექტიანი ქმედითი ნაბიჯებით, ონის მუნიციპალიტეტის განვითარების პროცესი სწრაფი ტემპით გავაგრძელოთ და ჩემი, როგორც მაჟორიტარი დეპუტატის უფლებამოსილების ფარგლებში დავიცვა რეგიონის მოსახლეობის ინტერესები, ცენტრალურ და ადგილობრივ ხელისუფლებებთან აქტიური თანამშრომლობით’’ აღნიშნა რაჭა-ლეჩხუმ-სვანეთის მაჟორიტარმა დეპუტატმა- გოჩა ენუქიძემ.

Related posts

რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ადგილობრივი ხელისუფლების წარმომადგენლებთან ერთად, ამირან სხიერელის ხსოვნისადმი მიძღვნილ საკალათბურთო ტურნირის გახსნას დაესწრო

2024-2025 სასწავლო წლის მეორე სემესტრის წარმატებული სტუდენტებისთვის ონის   მუნიციპალიტეტის მერის სტიპენდიის მინიჭების კონკურსი დაიწყო

ქალაქ ონის სასპორტო სკოლის კომპლექსში გაიმართება ევროპის ჩემპიონთა თასის მფლობელის, თბილისის დინამოს“ მწვრთნელის,საერთაშორისო კლასის სპორტის ოსტატის,საქართველოს დამსახურებული მწვრთნელის, ღირსების ორდენის კავალერის – ამირან სხიერელის ხსოვნისადმი მიძღვნილი რესპუბლიკური ტურნირი კალათბურთში