რაჭა-ლეჩხუმისა და ქვემო სვანეთის რეგიონის მორაგბეთა გუნდ „ამარანტების“ ორგანიზებით, ამბროლაურის აგრანო ვაჩაძის სახელობის მოედანზე 2013-2014 წლებში დაბადებულ მორაგბეებს შორის პირველი საერთაშორისო ფესტივალი გაიმართება

ფესტივალში მონაწილეობას მიიღებენ სამტრედიის „ფენიქსი“, სენაკის „ჯიხა“, ქუთაისის „აია“,ჭიათურის „მათე“, ბათუმის „ბათუმი“, წყალტუბოს „დინოზავრი“ და საჩხერის „ჯრუჭი“, „ამარანტები“ კი სამი გუნდით იქნება წარმოდგენილი – ლენტეხის „დათვები“, ცაგერის „ცეკური“ და ამბროლაურისა და ონის გაერთიანებული გუნდი „რაჭველები“. 10 ქართულ გუნდთან ერთად, იასპარეზებენ უკრაინისა და აზერბაიჯანის გუნდები.

თამაშები 15 ივნისს 12:00 საათიდან დაიწყება, 16:30 საათზე კი, დაჯილდოების ცერემონიალი გაიმართება. ფესტივალში მონაწილე გუნდებს სამახსოვრო პრიზები და თასები გადაეცემათ