პოეტ შოთა ტოგონიძის შემოქმედებისადმი მიძღვნილი საღამო გაიმართა

14 დეკემბერს, ონის მუნიციპალიტეტის ბიბლიოთეკის სამკითხველო დარბაზში გაიმართა ვაჟა- ფშაველას სახელობის პრემიის ლაურეატი პოეტის, ჩვენი ქვეყნის და კუთხის საამაყო შვილის შოთა ტოგონიძის შემოქმედებისადმი მიძღვნილი თემატური საღამო :,, მრავალძალს არწივები აფრენილან”.
ღონისძიება პოეტ ანა ერისთავის ორგანიზებით ჩატარდა და ესწრებოდნენ პოეტის ნათესავები, მეგობრები, მისი შემოქმედების თაყვანისმცემლები.
ავტორზე და მის შემოქმედებაზე ისაუბრა პოეტმა გურამ გორდეზიანმა, მისი შემოქმედების თაყვანისმცემელმა იოლანდა კალმახელიძემ. მოწვეულმა სტუმრებმა პოეტის კრებულიდან წაიკითხეს მათთვის საყვარელი ლექსები.