პიპილეთის საჯარო სკოლას, მოსწავლეთა უსაფრთხო გადაადგილების მიზნით, ახალი ტრანსპორტი გადაეცა

17.02.2024წ.

პიპილეთის საჯარო სკოლას, მოსწავლეთა უსაფრთხო გადაადგილების მიზნით, ახალი ტრანსპორტი გადაეცა.
რაჭა-ლეჩხუმ-ქვემო სვანეთის სახელმწიფო რწმუნებული-პაპუნა მარგველიძე, პირველ მოადგილესთან- ქრისტინა კობახიძესთან, ონის მუნიციპალიტეტის მერის მოადგილესთან – ლევან შერაზადიშვილთან, საკრებულოს თავმჯდომარესთან- ბაჩანა მარკოიშვილთან და მაჟორიტარი დეპუტატის ბიუროს ხელმძღვანელთან- ირმა ჩიხრაძესთან ერთად, პიპილეთის საჯარო სკოლის პედაგოგებს და მოსწავლეებს შეხვდა.
უნდა აღინიშნოს, რომ ახალი სატრანსპორტო საშუალების გამოყოფა შპს ‘’განახლებადი ენერგიის რეგიონული კომპანიის’’ დირექტორის- დავით უგრელიძის მხარდაჭერით განხორციელდა, რომელიც ხელს შეუწყობს ონის მუნიციპალიტეტში, პიპილეთის ადმინისტრაციულ ერთეულში მოსწავლეებისა და პედაგოგების გადაადგილებასთან დაკავშირებით არსებული პრობლემის მოგვარებას, რაც უმთავრეს გამოწვევას წარმოადგენდა პიპილეთის სკოლისთვის.
შეხვედრაზე პედაგოგებმა, სამხარეო და ადგილობრივი თვითმმართველობის ხელმძღვანელ პირებთან ერთად, სკოლის მიღწევებზე, სამომავლო გეგმებზე და არსებულ გამოწვევებზე ისაუბრეს.
შეგახსენებთ, რომ გასული წლის დეკემბრის თვეში, ერთ-ერთ შეხვედრაზე პედაგოგების მხრიდან ყურადღება გამახვილდა სკოლისთვის არსებული საჭიროების შესახებ, რომელსაც მოძველებული სატრანსპორტო საშუალება წარმოადგენდა.

Related posts

რაჭა-ლეჩხუმ ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ადგილობრივი ხელისუფლების წარმომადგენლებთან ერთად, ამირან სხიერელის ხსოვნისადმი მიძღვნილ საკალათბურთო ტურნირის გახსნას დაესწრო

2024-2025 სასწავლო წლის მეორე სემესტრის წარმატებული სტუდენტებისთვის ონის   მუნიციპალიტეტის მერის სტიპენდიის მინიჭების კონკურსი დაიწყო

ქალაქ ონის სასპორტო სკოლის კომპლექსში გაიმართება ევროპის ჩემპიონთა თასის მფლობელის, თბილისის დინამოს“ მწვრთნელის,საერთაშორისო კლასის სპორტის ოსტატის,საქართველოს დამსახურებული მწვრთნელის, ღირსების ორდენის კავალერის – ამირან სხიერელის ხსოვნისადმი მიძღვნილი რესპუბლიკური ტურნირი კალათბურთში